11:59 / 11.03.2022
Evropa me plane për t’u tërhequr nga energjia ruse
Presidentja e Komisionit Evropian, Ursula von der Leyen ka paraqitur planet për t’u larguar nga varësia e BE-së në energjinë ruse deri në vitin 2027. Këto janë prezentuar në samitin e Versajës.
Kjo është një datë më e hershme e më specifike sesa ajo që ishte prezentuar nga Komisioni të martën, kur zhvilluan bisedime për largim nga karburantet ruse “para 2030”.
Një “deklaratë e Versajës” pritet të prezentohet më vonë, e cila me gjasë do të përfshijë konkluzionet për energjinë, mbrojtjen dhe ekonominë.
Brenda natës, liderët lëshuan një deklaratë të ndarë për mbështetje të Ukrainës, ku përfshihen edhe aspiratat e saj për anëtarësim në bllok.























