13:30 / 12.03.2022
Lukaku i thotë ‘JO’ Barçës, preferon Interin
Sulmuesi i Chelseat, Romelu Lukaku raportohet se ka hedhur poshtë mundësinë të transferohet në Barcelonë.
Ylli belg ka qenë i lidhur më transferimin tek ‘Blaugranat’, por sipas mediave angleze, lojtari ka refuzuar mundësinë që të vesh fanellën e katalonasve, transmeton RTKLive.com.
Reprezentuesi belg, thuhet se preferon rikthimin në Itali, ku Interi synon ta rikthejë belgun në qytetin e modës.
Lukaku nuk po kalon periudhë të mirë tek ‘Blutë’ e Londrës, dhe duket se lojtari pëlqen rikthimin tek ‘Nerazurët’.
Ndryshe, Interi do të provojë gjatë afatit kalimtar të verës që sërish ta sjellë në skuadër sulmuesin belg.
Përgatiti: Fatmir Bytyqi























