09:28 / 13.03.2022
Superliga vazhdon sot me tri ndeshje, derbi luhet në Gjilan
Elita e futbollit të Kosovës, do të vazhdojë sot pasdite me tri ndeshjet e javës së 25-të.
Kryendeshja luhet në Gjilani, ku skuadra më të njëjtin emër përballet me Llapin.
Kjo sfidë është tejet e rëndësishme për të dy skuadrat që synojnë kreun e tabelës, shkruan RTKLive.com.
Ndërkohë, në dy ndeshjet tjera përballen Drenica-Malisheva dhe Dukagjini-Drita.
Edhe këto dy duele parashikohen të sjellin sfida interesante pasi që pikët nga këto dy ndeshje janë të rëndësishme.
Superliga/Java e 25-të
Sot takohen:
13:00 Dukagjini – Drita
13:00 Drenica – Malisheva
13:30 Gjilani – Llapi
Të gjitha ndeshjet fillojnë në orën 13:00 përveç sfidës Gjilani-Llapi që nis në orën 13:30. /F.Bytyqi/























