13:17 / 16.03.2022
Pentagoni dërgon sisteme shtesë të mbrojtjes ajrore në Ukrainë
Sipas zyrtarëve amerikanë sistemet janë marrë nga vendet partnere të NATO-s dhe janë "në rrugë", për në Ukrainë.
Përderisa presidenti ukrainas, Volodymyr Zelensky gjatë fjalimit të sotëm pritet t'i kërkojë Kongresit ndihmë të mëtejshme ushtarake për vendin e tij, SHBA dhe aleatët e saj në NATO njoftojnë për dërgimin e një sistemi raketash tokë-ajër në Ukrainë.
CNN citon një zyrtar të lartë amerikan,që thotë se këto sisteme shtesë përfshijnë sistemet e mbrojtjes ajrore mobile të epokës sovjetike SA-8, SA-10, SA-12 dhe SA-14.
Sistemet kanë një rreze më të ulët lartësie se sistemi S-300, të cilin Ukraina e ka kërkuar, por që lanë kanë një rreze më të lartë se raketat Stinger me të cilat Ukraina është furnizuara më parë.























