16:46 / 16.03.2022
Putin: Nuk kemi nevojë të shtypim para për të përballuar sanksionet
Në një fjalim në mbledhjen e qeverisë Putin ka thënë se nëse Perëndimi mendon se Rusia do të tërhiqet, atëherë nuk e kupton mirë Rusinë.
Presidenti rus, Vladimir Putin ka thënë se Perëndimi nuk do të ketë sukses në atë që ai e quajti përpjekje për dominim global dhe për të copëtuar Rusinë.
Ai ka theksuar se sanksionet e krijuara për të goditur ekonominë e Rusisë nuk mund ta godasin tërësisht dhe “banka qendrore nuk ka nevojë të printojë para ngase vendi ka burime të mjaftueshme financiare”.
“Ekonomia dhe biznesi ynë i kanë të gjitha burimet e nevojshme për të përmbushur objektivat e vendosura, vetëm duhet t’i mobilizojmë”, ka thënë Putin.























