Superliga rikthehet me sfida të zjarrta, live në Radio Kosova
Pas disa ditësh pushim për shkak të ndeshjeve të Kombëtareve, skuadrat elitare rikthehen në aksion me ndeshjet e xhiros së 27-të.
Kjo xhiro hapet sot me duelin Dukagjini-Malisheva, skuadra këto që po ‘luftojnë’ për t’i ikur zonës së rrezikshme.
Të shtunën do të luhen dy ndeshje, ku do të përballen Ulpiana-Drita dhe Prishtina-Llapi, duele këto që parashikohet të prodhojnë sfida interesante, sepse pikët janë tejet të rëndësishme për secilën skuadër, raporton RTKLive.com.
E diela pasdite vjen me dy ndeshje tejet interesante, ku do të ballafaqohen Drenica-Feronikeli dhe Gjilani-Ballkani, kjo e fundit është kryederbi i kësaj fundjave pasi që të dy skuadrat janë duke bërë garë të zjarrtë për titull të kampionit.
Të gjitha ndeshjet e kësaj xhiro, do të transmetohen në radio numër një, Radio Kosova.
Superliga / Java e 27-të
Sot takohen:
Dukagjini-Malisheva
Të shtunën takohen:
Prishtina-Llapi
Ulpiana-Drita
Të dielën takohen:
Gjilani-Ballkani
Drenica-Feronikeli
Të gjitha ndeshjet fillojnë në orën 14:00, përveç derbit Gjilani-Ballkani që nis në orën 14:30. /F.BYTYQI/























