Shefi i MSF-së bën thirrje që të kursehen spitalet nga sulmet
BKT
   Ukraina

Shefi i MSF-së bën thirrje që të kursehen spitalet nga sulmet

Organizata ndërkombëtare humanitare Médecins Sans Frontières (MSF) thotë se spitalet, pacientët dhe stafi mjekësor duhet të kursehen absolutisht nga sulmet në Ukrainë.

Thirrja vjen pasi kreu i misionit të MSF në Ukrainë, Michel-Olivier Lacharité, tha për programin Newsday të BBC se tre spitale u goditën në portin e Detit të Zi të Mykolaiv në dy ditët e fundit.

Ai thotë se spitalet janë në zona të banuara dhe ai beson se mund të jenë goditur me bomba thërrmuese.

“Në momentin e shpërthimit ka pasur rrjedhje gazi dhe erë. Kështu ekipi ynë ka tentuar të largohet nga vendi i ngjarjes. Ndërsa po iknin, panë trupa të pajetë në rrugë dhe njerëz të plagosur”, tha ai.