11:36 / 01.07.2022
Tottenham kompleton transferimin e Richarlison
Uran Krasniqi/RTKLive
Richarlison është lojtari më i ri i Tottenham Hotspur.
Tottenham tashmë ka kompletuar nënshkrimin e sulmuesit të Evertonit, Richarlison.
Ai bëhet futbollisti i katërt që nënshkruan me "Spurs" gjatë kësaj vere, pas Yves Bissouma, Ivan Perisic dhe Fraser Forster.
"Është një marrëveshje e madhe për 'Spurs. Ai është një djalë shumë i talentuar dhe ka një dëshirë të madhe për të luajtur'", ka thënë ish-sulmuesi i Arsenalit, Alan Smith.
Richarlison në 152 paraqitje për Everton ka shënuar pesëdhjetë e tri gola. Gjithashtu ai ka luajtur tridhjetë e gjashtë herë për Brazilin dhe ishte pjesë e skuadrës që fitoi Kupën e Amerikës më 2019 dhe Lojërat Olimpike më 2020.























