13:16 / 14.07.2022
Vidal nga Inter kalon në futbollin brazilian
Uran Krasniqi/RTKLive
Arturo Vidal ka përfunduar te Flamengo pas largimit nga Interi.
Vidal ishte në dispozicion si lojtar i lirë pasi kontrata e mesfushorit u ndërpre me pëlqim të ndërsjellë të hënën.
Flamengo ka konfirmuar se 35 vjeçari do të vazhdojë karrierën e tij në Brazil.
Ish-lojtari i Barcelonës dhe Bayern Munichut iu bashkua Interit në vitin 2020, duke nënshkruar një marrëveshje deri në vitin 2022 që përfshinte opsionin për një vit shtesë.
Vidal rikthehet në futbollin e klubeve të Amerikës së Jugut pas pesëmbëdhjetë vitesh të kaluara në Evropë.























