23:09 / 17.08.2022
Benfica me një këmbë në grupet e Champions League
Uran Krasniqi/RTKLive
Benfica ka arritur të krijojë një situatë më të favorshme se sa Dynamo Kyiv sa i takon asaj se cila skuadër do të futet në grupet e Champions League.
Skuadra portugeze e ka mposhtur atë ukrainase në ndeshjen e parë të "play off" të zhvilluar të mërkurën në Poloni për shkak të luftës në Ukrainë dhe tashmë në ndeshjen e kthimit si vendas pas një jave pritet ta ketë shumë më lehtë.
Rezultati përfundimtar i ndeshjes së sontme ka qenë 2-0.
Që të dy golat Benfica i ka realizuar në pjesën e parë përmes Junior (10') dhe Ramos (37').
Në dy ndeshjet e tjera, Maccabi Haifa e ka mposhtur Crvena Zvezdën me rezultat 3-2, ndërsa Qarabag dhe Viktoria Plzen janë ndarë baraz 0-0.























