10:17 / 28.09.2022
Edhe Newcastle pas Asensio-s
Fatmir Bytyqi /RTKlive
Newcastle është një tjetër klub i njohur anglez që i është bashkuar garës për transferimin e sulmuesit të Real Madridit, Marco Asensio.
Spanjolli prej kohësh është i lidhur me largimin nga ‘Los Blancos’.
Ai është duke u kërkuar nga disa klube të mëdha evropiane përfshirë Barcelonën, Liverpoolin dhe Arsenalin, por sipas mediave spanjolle, tashmë edhe Newcastle synon ta blejë Asension.
Reprezentuesi i Spanjës me Realin ka kontratë deri në verën e vitit 2023, por thuhet se lojtari në afatin kalimtar të janarit mund të bëhet me klub të ri.























