Ilir Latifi ‘rrah’ rusin në UFC
BKT
Sport

Ilir Latifi ‘rrah’ rusin në UFC

Fatmir Bytyqi /RTKlive

Ilir Latifi ka arritur një fitore të madhe në UFC.

Latifi mbrëmë, në Las Vegas, mundi rusin Aleksei Oleinik, në kategorinë e rëndë UFC-së.

Kosovari mposhti rusin me vendim unanim të gjyqtarëve.

Përballja zgjati tre raunde, teksa në fund rezultatet e të tre gjyqtarëve ishin të njëjta – 30:27.

Për 39-vjeçarin, i cili përfaqëson shtetin e Suedisë, ishte kjo fitorja e 17-të në artet marciale, krahas tetë humbjeve e një barazimi.

Ndërkaq, 45-vjeçari Oleinik, që ka përvojë të madhe në këto gara, ka bilanc prej 60 fitoreve, 17 humbjeve dhe një barazimi.