21:11 / 06.10.2022
Rashford ruan nderin e United nga Omonia
Marcus Rashford është futur në lojë nga pankina për të ruajtur nderin e Manchester United ndaj Omanias në Qipro.
Ndeshja e zhvilluar në kuadër të Europa League është mbyllur me fitoren e anglezëve me rezultat 3-2.
Të parët që kanë kaluar në avantazh kanë qenë vendasit, kur ka realizuar Ansarifard. Me këtë rezultat edhe është mbyllur pjesa e parë.
Barazimi anglez ka ardhur në minutë e pesëdhjetë e tretë kur Rashford ka shënuar. Pastaj i njëjti futbollist ka asistuar për golin e Martial si dhe ka shënuar edhe një gol tjetër për rezultatin 3-1.
Qipirotët vetëm e kanë zvogëluar epërsinë me golin e Panagiotou.
Manchester United gjendet e dyta në grupin që e kryeson Real Sociedad.























