12:15 / 10.10.2022
PSG në sulm për pasuesin e Messit, Aubameyang në listën e parisienëve
Fatmir Bytyqi /RTKlive
PSG duket se tashmë është pajtuar me largimin e Lionel Messit verën që vjen.
Argjentinasi më shumë gjasë sërish do të vesh fanellën e Barcelonës.
Krerët e PSG-së siç raportojnë mediat franceze, janë hedhur në sulm për pasuesin e Messit.
Sulmuesi i Chelseas, Pierre-Emerick Aubameyang është në listën e skuadrës parisiene.
Ylli nga Gaboni gjatë verës që lamë prapa, i është bashkuar Chelseas nga Barcelona.
Por, në fund të këtij sezoni, gabonezi mund të bëhet më klub të ri.
PSG është duke e monitoruar Aubameyang-un, madje thuhet se tashmë sulmuesi ka nisur bisedimet me gjigantin francez.























