14:14 / 25.10.2022
E ardhmja e Asensios? Kjo është përgjigja e Ancelottit
Fatmir Bytyqi /RTKlive
Trajneri i Real Madridit, Carlo Ancelotti, ka hezituar të flasë për të ardhmen e Marco Asensios.
E ardhmja e Asensios është një temë e ‘nxehtë’ në kryeqytetin spanjoll.
Tekniku italian nuk ka qenë në gjendje të tregojë së kur mund të zgjidhet çështja e mesfushorit spanjoll.
“Asensio dhe klubi e dinë se çfarë mendoj unë. Shumë lojtarë përfundojnë kontratat e tyre dhe në pauzë ne mund të flasim për këtë”, tha Ancelotti.
“Për momentin nuk ka kuptim të flasim për këtë çështje. I kërkoj atij të jetë profesionist, serioz dhe të durojë momentin e vështirë”.
“Kjo është ajo që po bën Asensio dhe të gjithë ata që luajnë më pak”, theksoi strategu italian.























