20:43 / 27.10.2022
PSV Eindhoven mposht Arsenalin
Uran Krasniqi/RTKLive
PSV Eindhoven i ka dhënë Arsenalit humbjen e parë në Europa League. Kësisoji ani se të dyja skuadrat tashmë gjenden në rrethin tjetër të garës, megjithkëtë lufta e tyre për pozitën e parë në grup mbetet e hapur deri kur të përfundojë xhiroja e fundit e fazës së grupeve, gjë e cila ndodhë javën që vjen.
Ndeshja e të enjtes ka përfunduar me rezultat 2-0 në të mirë të holandezëve.
Veerman (55') dhe De Jong (63') kanë realizuar për PSV-në.
Arsenal rastin më të mirë e ka pasur me Nketiah gjatë pjesës së parë.
Aktualisht në këtë grup Arsenal ka dymbëdhjetë pikë, PSV dhjetë, si dhe Bodo/Glimt 4 e Zurich tri.























