23:07 / 01.11.2022
Bayern Munich mposht Interin, por edhe italianët shkojnë tutje
Uran Krasniqi/RTKLive
Bayern Munich e ka mposhtur Interin në xhiron e fundit të fazës së grupeve. Rezultati përfundimtar ka qenë 2-0.
Pavard (32') dhe Choupo-Moting (72') kanë realizuar për fitoren e bavarezëve.
Kjo ishte fitorja e gjashtë e Bayern në këtë edicion të Champions League.
Kjo humbje megjithatë e mbanë Interin në vendin e dytë në tabelën e grupit, duke bërë që të kualifikohet në fazën tjetër. Bayern e kryeson grupin me tetëmbëdhjetë pikë. Në vendin e tretë gjendet Barcelona me shtatë pikë, ndërsa në vendin e fundit Viktoria Plzen pa asnjë pikë.























