Kosova mposhtet në fustall nga Ukraina
BKT
Sport

Kosova mposhtet në fustall nga Ukraina

Uran Krasniqi / RTKLive

5:2 ka pësuar humbje Kosova nga Ukraina në fustall në kuadër të “Main Round” për kualifikimet e Botërorit 2024.

Ndeshja është zhvilluar të mërkurën në mbrëmje në Pallatin e Rinisë dhe Sportit në Prishtinë. 

Ukrainasit erdhën tek goli qysh në minutën e pestë kur realizoi Ihor Cherniavskyi. Tre minuta më vonë epërsinë e shtoi Yevgen Siryi. Kosova ngushtoi epërsinë në minutën e 16-të, duke shënuar gol nëpërmjet Drilon Maxharrajt dhe duke shkuar në pushim në disavantazh 2:1. 

Ukrainasit e nisën furiushëm edhe në pjesëlojën e dytë. Mykola Mykytiuk shënoi për 3:1 (27’), derisa më pas realizuan edhe Artem Fareniuk (30’) dhe Yaroslav Lebid (33’). Dardanët nuk arritën më shumë se sa edhe një gol tjetër në minutën e 34-t, të cilin e realizoi Meriton Salihu.

Kosova në këtë fushatë gjendet në Grupin 11 dhe ka tri humbje në po aq ndeshje të zhvilluara.