20:54 / 10.11.2022
Juventus fiton minimalisht nga Verona
Uran Krasniqi/RTKLive
Juventus ka realizuar fitoren e pestë radhazi në Serie A për herë të parë që nga viti 2020. "Zonja e vjetër" ka shënuar fitore në udhëtim ndaj Veronës me rezultat minimal 0-1.
Golin e vetëm e ka shënuar Kean në minutën e gjashtëdhjetë të takimit. Kjo pas një asisti nga Rabiot.
Vendasit rastin më të mirë e kishin me Paweł Dawidowicz, por pa sukses.
Pas kësaj fitore Juve ngjitet në vendin e tretë me njëzet e tetë pikë, dhjetë më pak se kryesuesi, Napoli.
Verona është në vendin e fundit në tabelë vetëm me pesë pikë.























