Mediumi anglez: Pacolli i interesuar për ta blerë Manchester Unitedin
Sport

Mediumi anglez: Pacolli i interesuar për ta blerë Manchester Unitedin

Fatmir Bytyqi /RTKlive

Sipas mediumit anglez, ‘Footballtransfers’ ish-presidenti i Kosovës, Behgjet Pacolli, ka shprehur interesim për ta blerë Manchester United nga Glazers.

Ai është një miliarder dhe një biznesmen i suksesshëm, duke qenë aksionari kryesor i kompanisë zvicerane të ndërtimit dhe inxhinierisë civile “Mabetex Group”, raporton Footballtransfers.

Pacolli në muajin gusht, ishte në “Emirates Stadium” për të parë nga afër ndeshjen e Arsenalit kur Topçinjtë mposhtën Leicesterin në gusht.

Dhe i pyetur nga gazetarët këtë mërkurë nëse ai ishte i interesuar të blinte Manchester United, Pacolli u përgjigj “në rregull”.

Familja Glazer e ka nxjerrë zyrtarisht në treg Manchester United pas gati 18 vitesh pronësi.

Ndërkohë, edhe këshilltari i Pacollit, Jetlir Zyberaj përmes llogarisë së tij në Facebook, nuk e ka mohuar mundësinë që Pacolli ta blejë klubin nga ‘Old Traffordi’.

“E pse jo”, ka shkruar Zyberaj. 


MË SHUME NGA Sport