12:51 / 15.12.2022
Chelsea në sulm për Dembele-n
F.Bytyqi /RTKLive
Klubi anglez, Chelsea është e interesuar për sulmuesin francez të Barcelonës, Ousmane Dembele-n.
Anësori francez ka rigjetur formën e mirë këtë sezon të garave tek ‘Blaugranat’ falë punës së bërë me trajnerin Xavi.
Reprezentuesi francez është duke treguar performacë të lartë me ‘Gjelat’ edhe në Kupën e Botës ‘Katar 2022’, ku Franca të dielën do të luajë finalen e madhe kundër Argjentinës.
Sipas ‘Fichajes’, Chelsea po e monitoron sulmuesin francez të Barcelonës, Ousmane Dembele për të forcuar skuadrën.
Dembele me Barcelonën pak kohë më parë ka firmosur kontratën e re deri në verën e vitit 2024, por klauzola e lirimit prej 50 milionë euro do t’i mundonte londinezëve transferimin e asit francez.























