23:12 / 26.12.2022
Liverpool transferon Cody Gakpon nga PSV
Uran Krasniqi/RTKLive
Cody Gakpo do t`i mbrojë ngjyrat e Liverpoolit. Kjo pasi klubi anglez ka arritur marrëveshje me PSV Eindhovenin për transferimin.
Ka qenë klubi holandez që e ka konfirmuar lajmin.
"PSV dhe Liverpool kanë arritur një marrëveshje për transferimin e Cody Gakpo. Sulmuesi njëzet e tre vjeçar do të niset menjëherë drejt Anglisë ku do t'u nënshtrohet formaliteteve të nevojshme përpara përfundimit të transferimit. Ky është një transferim rekord për PSV-në”, ka thënë Marcel Brands, menaxher te PSV, i cili nuk ka dashur të përmend shumën e transferimit.
Futbollisti ka shkëlqyer këtë edicion me PSV-në, por edhe me Holandën në Botërorin "Qatar 2022", çka kishte fituar vëmendjen e shumë klubeve.























