23:16 / 28.12.2022
japonia ia vazhdon kontratën trajnerit Hajime Moriyasu
Uran Krasniqi / RTKLive
Hajime Moriyasu do të vazhdojë të jetë trajner te Japonia. Atij i është vazhduar kontrata me kombëtaren pas paraqitjes së suksesshme në Kupën e Botës në Katar.
Skuadra e drejtuar nga Moriyasu ishte një nga surprizat e turneut, ku mposhti Gjermaninë dhe Spanjën në fazën e grupeve, para se të pësonin një humbje me penallti nga Kroacia në ndeshjen e 1/8 të finales.
Japonia është paraqitur në çdo turne të Kupës së Botës që nga viti 1998.
Japonia e drejtuar nga Moriyasu i kthehet fushës gjatë marsit ku do të luajë dy miqësore si pjesë e Kupës "Kirin Challenge 2023".























