22:58 / 04.01.2023
Tottenham deklason Crystal Palacen
Uran Krasniqi/RTKLive
Këshillat e Patrick Vieiras se si lojtarët e ekipit të tij duhet të luajnë guximshëm nuk kanë pasur efektin e dëshiruar. Crystal Palace është mposhtur thellë nga Tottenham Hotspur. Kësisoji Tottenham është rikthyer te suksesi në Premier League dhe rezultati përfundimtar i ndeshjes ka qenë 4-0.
Kane (48', 53') dhe Doherty (68') e Heung-min (72') kanë realizuar për Spurs.
Pas kësaj fitore ekipi i Contes vazhdon të mbeten në garë për një vend në zonën Champions, duke ndjekur rivalët. Tottenham gjendet në pozitën e pestë në tabelë, kurse Crystal Palace në vendin e dymbëdhjetë.























