12:11 / 08.01.2023
Inzaghi pas barazimit me Monza-n: Jemi të zemëruar
F.Bytyqi/RTKLive
Trajneri i Interit, Simone Inzaghi, është shprehur i zhgënjyer me barazimin kundër Monzës.
Monza dhe Inter mbrëmë luajtën baras 2-2, në kuadër të javës së 17-të në Serie A.
Ky barazim është një hap prapa për skuadrën ‘Nerazure’ e cila synon të shkojë sa më lart në tabelën e Serie A.
Inzaghi mendon se ky barazim erdhi nga një gabimi të pafalshëm, derisa sa i kritikoi VAR-in.
“Jemi të zemëruar. Pas pesë vitesh me VAR u bë një gafë shumë e rëndë. Po flasim për një barazim që erdhi pas një gabimi të pafalshëm”, tha Inzaghi.
Pas këtij barazimi, Inter mbetet në vendin e katërt me 34 pikë të tubuara, shtatë pikë prapa liderit të tabelës, Napolit.























