16:27 / 12.02.2023
KF Trepça `89 ia dedikon Erion Kajtazit fitoren ndaj Dritës
Uran Krasniqi/RTKLive
KF Trepça `89 ia ka dedikuar Erion Kajtazit fitoren e sotme kundër Dritës.
"Gjithmonë në zemrat tona, Eri. Sot djelmoshat tanë luftuan me zemër dhe treguan karakter të madh ku në fund u shpërblyem me tri pikë. Fitorja e sotme i dedikohet diamantit tonë, Erion Kajtazi", ka shkruar klubi mitrovicas pas ndeshjes.
Në Mitrovicë ku ndeshja filloi me nderime për futbollistin e ndjerë, me ç'rast klubi edhe zyrtarisht ka pensionuar numrin 15-të që e barte ish-futbollisti i ri, nuk ka pasur shumë gola. Ndeshja është mbyllur 1-0 për vendasit. Golin e vetëm e ka shënuar futbollisti Armend Gashi, në minutën e 12-të.
Kajtazi vdiq vitin e kaluar kur ishte duke u zhvilluar ndeshja e të rinjve mes A&N dhe Trepçës’89.























