17:58 / 14.02.2023
Osimhen, objektiv numër një i klubit të madh anglez
F.Bytyqi/RTKLive
Nuk është vetëm Manchester United, që po këmbëngul për transferimin e sulmuesit të Napolit, Victor Osimhen.
Chelsea sipas medieve britanike, është futur në garë për asin e ‘napolitanëve’, i cili është duke bërë një sezon të madh me skuadrën italiane.
‘Blutë’ e Londrës verën që vjen pritet të bëjnë një garë të ashpër me ‘Djajtë e Kuq’ për blerjen e sulmuesit nigerian.
Madje, siç raportohet, Osimhen tashmë është objektiv numër një i Chelseas në afatin kalimtar të kësaj verë.
“Sulmuesi i Napolit, Victor Osimhen është objektivi numër një i Chelseas”, shkruajnë mediat në ishull.























