Trajneri i Dortmundit mesazh Chelseas: Ne fitojmë
F.Bytyqi/RTKLive
Borussia Dortmundit nesër mbrëma luan njërën ndër ndeshjet më të vështirë në Ligën e Kampionëve.
‘Milionerët’ e Gjermanisë para tifozëve të tyre, do të përballen me Chelsean në sfidën e parë të 1/8 së finales në garën më të madhe evropiane.
Trajneri i Dortmundit, Edin Terzic në prag të ndeshjes me londinezët, në konferencën për media, ka thënë se të besuarit e tij janë të formë të mirë, por sipas tij, ende jo në 100 përqind.
Ai thotë se skuadra e tij duhet të fitojë ndeshjen pasi që kanë përkrahjen e 80 mijë tifozëve.
“Ne jemi aktualisht në formë të shkëlqyer, por jo ende në 100%”, tha ai.
“Ne duhet të fitojmë nesër dhe gjithçka mund të bëhet më e lehtë me 80,000 njerëz që na mbështesin”, theksoi Terzic.
Ndeshja Dortmund-Chelsea fillon në orën 21:00.























