Kosova U21 barazon me Moldavinë
BKT
Sport

Kosova U21 barazon me Moldavinë

Uran Krasniqi / RTKLive

Nuk ka fitues nga ndeshja e Kosovës U21 me Moldavinë.

Ndeshja e zhvilluar në Turqi është mbyllur me rezultat të barabartë 0-0. 

Kosova e ka dominuar kundërshtarin, por nuk ka qenë në gjendje që edhe të shënojë. 

Ndeshja tjetër e Kosovës do të jetë kundër Turqisë dhe do të zhvillohet më 27 mars.

Kosova U21 po përgatitet pë fushatën e kualifikimeve për Euro 2025.  

Trajneri Afrim Tovërlani ka folur pas ndeshjes. “Mendoj që angazhimi ishte në nivel, por qarkullimi i topit është dashur të jetë më konkret dhe më shpërthyes. Në pjesën e dytë luajtëm shumë më mirë, pasuam më shumë, krijuam më tepër dhe më vjen keq që së paku një gol nuk e realizuam për fitore. Megjithatë mendoj se jemi duke krijuar një skuadër të mirë, dhe ishte një paraqitje e mirë ndaj një skuadre e cila mbrohet me 9 futbollist dhe luan fuqishëm në këtë zonë", ka thënë ai.