Shqipëria mposhtet nga Polonia
Uran Krasniqi / RTKLive
Shqipëria e ka nisur keq fushatën kualifikuese për Euro 2024. Është mposhtur nga Polonia. Në ndeshjen e zhvilluar në Varshavë rezultati ka qenë 1-0.
Ka qenë minuta e dyzet e një kur Swiderski e ka shënuar golin për vendasit.
Polakët jo vetëm kanë shkuar në pushimin pesëmbëdhjetë minutësh me epërsi minimale, por e kanë ruajtur atë edhe kur janë kthyer në fushë për dyzet e pesë minutëshin e dytë.
Polonia e ka dominuar ndeshjen jo vetëm me gola, por edhe me statistika të tjera: e ka mbajtur topin më shumë, ka pasur më shumë gjuajtje në drejtim të portës dhe më shumë goditje nga këndi të fituara.
Kjo ishte ndeshja e vetme e Shqipërisë këtë muaj, për dallim nga shumë kombëtare që kanë zhvilluar nga dy ndeshje. 
Polonia avancon ndaj Shqipërisë pas pjesës së parë
Shqipëria e ka mbyllur pjesën e parë në disavantazh ndaj Polonisë në Varshavë.
Polakët kanë shkuar në pushimin pesëmbëdhjetë minutësh me epërsi minimale.
Edhe pse ndeshja ka qenë e barazpeshuar, ka qenë minuta e dyzet e një kur Swiderski e ka shënuar golin për vendasit.
Shqipëria po e luan këtë ndeshje pa sulmuesin kryesor, futbollistin e Chelseas, Armando Broja, i cili është i lënduar. 
Poloni - Shqipëri, formacionet
Polonia e pret Shqipërinë sonte në Varshavë në një ndeshje të Grupit E në kuadër të kualifikimeve për Euro 2024. Tashmë janë publikuar edhe formacionet.
























