Chelsea zhgënjen kundër Aston Villas
BKT
Sport

Chelsea zhgënjen kundër Aston Villas

Uran Krasniqi/RTKLive

Pas katër ndeshjeve të pamposhtur në të gjitha kompeticionet ka ardhur edhe humbja e Chelseas.

Skuadra e drejtuar nga Graham Potter në javën e 29-të të Premier League është mposhtur nga Aston Villa. "Blutë" nga Londra janë mposhtur në “Stanford Bridge” me rezultat 0-2.

Chelsea u ndëshkua në minutën e 18-të të takimit, pas një gabimi të pafalshëm të Cucurellas, që në tentativë për të ndalur topin me kokë, i jep një asist sulmuesit  mik, Watkins, që nuk mund të gabonte përballë Kepas, 0-1.

Aston Villa gjeti golin e dytë në minutën e 56-të kur McGinn shënoi gol të bukur nga distanca.

Aston Villa pas kësaj fitore ka 41 pikë dhe renditet në pozitën e nëntë në tabelë, kurse Chelsea është dy pozita më poshtë me 38 pikë.