Ten Hag: Jemi në Ligën e Kampionëve, nuk ishte objektiv i lehtë
BKT
Sport

Ten Hag: Jemi në Ligën e Kampionëve, nuk ishte objektiv i lehtë

F.Bytyqi/RTKLive

Menaxheri i Manchester Unitedit, Erik ten Hag, është shprehur i lumtur me fitoren dhe paraqitjen e të besuarve të tij në fitoren kundër Chelsea-s.

‘Djajtë e Kuq’ mbrëmë mundën londinezët (4-1), duke siguruar pjesëmarrjen në Ligën e Kampionëve për sezonin e ardhshëm.

Ten Hag thotë se nuk ishte i lehtë objektivi i skuadrës së tij në një ligë të fortë siç është Premier League.

“Ne jemi në Ligën e Kampionëve. Nuk ishte objektiv i lehtë për t'u arritur ky suksese në një ligë shumë konkurruese siç është Premier League”, tha Ten Hag.

“Ne i kërkuam tri pikët dhe treguam një mentalitet fituesi. Chelsea ka lojtarë të jashtëzakonshëm, por ne në kundërsulm ishim shumë të mirë dhe të rrezikshëm”, ka theksuar strategu holandez.