Messi të shtunën luan ndeshjen e fundit për PSG-n, thotë Galtier
BKT
Sport

Messi të shtunën luan ndeshjen e fundit për PSG-n, thotë Galtier

F.Bytyqi/RTKLive

Tashmë është e konfirmuar. Asi argjentinas Lionel Messi do të largohet nga PSG-ja në fund të këtij sezoni.

Është trajneri i kampionëve në fuqi të Francës, Christophe Galtier, i cili në një konferencë për medie, ka konfirmuar se Messi të shtunën do të luajë ndeshjen e fundit për parisienët.

“Kam pasur privilegjin të stërvit lojtarin më të mirë në historinë e futbollit. Kjo do të jetë ndeshja e fundit e tij në “Parc des Princes” dhe shpresoj të pritet në mënyrën më të mirë të mundshme”, ka thënë Galtier.

Messi këtë sezon të garave e mbylli me 21 gola dhe 20 asistime.

Fituesi i Kupës së Botës me Argjentinën, është i lidhur me rikthimin në ish-klubin e tij, Barcelona, por Messi kërkohet edhe nga Arabia Saudite si dhe Inter Miami në MLS.