Reali në kërkim të pasuesit të Benzemas? Havertz në listë
BKT
Sport

Reali në kërkim të pasuesit të Benzemas? Havertz në listë

F.Bytyqi/RTKLive

Real Madridi raportohet se është hedhur në kërkim të një sulmuesi për sezonin e ardhshëm.

Sulmuesi Karim Benzema, i cili ka në tavolinë një mega-ofertë nga Arabia Saudite, duket se brenda pak ditëve do t’i jep lamtumirën skuadrës madrilene.

Largimi i mundshëm i francezit nga ‘Bernabeu’, ka bërë që krerët e Realit të kërkojnë një pasues të Benzemas.

Në mesin e disa sulmueseve, në listën e skuadrës ‘merenguese’ është edhe sulmuesi i Chelsea-s, Kai Havertz.

“Madridi dëshiron të blejë gjermanin e Chelseas për shkak të moshës së re dhe shkathtësinë e tij, pavarësisht vendimit të Benzemas”, shkruajnë mediet spanjolle.