City mposht Interin dhe fiton për herë të parë Champions Leaguen
BKT
Sport

City mposht Interin dhe fiton për herë të parë Champions Leaguen

Uran Krasniqi/RTKLive

Manchester City është kampioni i ri i Evropës në futboll. Klubi anglez e ka fituar garën e Champions League të shtunën. 

Rezultati minimal 1-0 i ka mjaftuar Cityt ta kompletojë tripletën, pasi paraprakisht ka fituar në Premier League dhe në FA Cup. 
Pjesa e parë në Stamboll nuk ka njohur veprime për ndryshimin e rezultatit, por e dyta ka qenë më ndryshe. 
Ka qenë minuta e gjashtëdhjetë e tetë kur Rodri e ka shfrytëzuar një top të dhënë nga Bernardo Silva dhe e ka çuar atë në rrjetë. 
Përpjekjet e skuadrës italiane për të reaguar kanë qenë të shpejta. Federico Dimarco dhe Romelu Lukaku nuk janë treguar konkret para portës. 
Kësisoji skuadra e trajnerit Pep Guardiola e ka fituar për herë të parë titullin e Champions Leagues në histori të klubit. Ajo kishte qenë në finale edhe para dy edicionesh, por ishte mposhtur nga Chelsea.     
Inter e ka fituar dy herë këtë titull. 
Vitin e kaluar Champions Leaguen e kishte fituar Real Madrid.  

Mbyllet pa gola pjesa e parë e finales së Champions League

Manchester City e ka mbajtur topin më shumë po megjithatë nuk e ka shtyrë atë asnjëherë drejt rrjetës. Gjithashtu as Inter nuk ka arritur ta bëjë një gjë të tillë.

Kësisoji me rrjeta të paprekura është mbyllur pjesa e parë e ndeshjes finale të Champions League.  

Skuadrat kanë në dispozicion edhe një dyzet e pesë minutësh për të sqaruar se kujt i përket kupa, të cilën vitin e kaluar e kishte fituar Real Madrid. 

Derisa Inter e ka fituar dy herë këtë titull, Manchester City ende asnjëherë.  

Inter - Manchester City, formacionet

Inter dhe Manchester City ndeshen sonte në finale të  Champions League. Tashmë  janë  publikuar edhe formacionet zyrtare.No description available.

Sonte Finalja e Champions League mes Interit dhe Manchester Cityt

Finalja e Champions League mes Interit dhe Manchester Cityt zhvillohet sonte në Stamboll.

Derisa trajneri i Interit, Simone Inzaghi, ka thënë se e shtuna është një rast për t'u shkruar historia. trajneri i Manchester Cityt, Pep Guardiola, ka thënë se skuadra e tij zbret në fushë për ta bërë paraqitjen më të mirë. 

City konsiderohet si favorit pas suksesit në Premier League e FA Cup, ndërsa Inter ka fituar Kupën e Italisë e poashtu ashtu Superkupën e Italisë.