22:49 / 11.06.2023
FC Prishtina 01 fiton titullin e kampionit në futsall
Uran Krasniqi / RTKLive
FC Prishtina 01 ka fituar titullin e kampionit në Superligën e Kosovës në futsall.
Në ndeshjen e tretë të finales skuadra nga kryeqyteti e ka mposhtur Liqenin me rezultat 4-1.
E njëjta skuadër e kishte fituar edhe Kupën e Kosovës ku e kishte mposhtur pikërisht të njëjtën skuadër.
Sipas kryetarit të Federatës së Futbollit të Kosovës, Agim Ademit, futsali është duke u rritur në Kosovë.
"Seria finale solli tri ndeshje spektakulare dhe me rekord shikueshmërie, gjë e cila dëshmon rritjen e futsallit në vendin tonë dhe dashurinë që tifozët kanë ndaj kësaj loje", ka thënë ai.























