Valencia ia zgjat kontratën Barajas
BKT
Sport

Valencia ia zgjat kontratën Barajas

Uran Krasniqi / RTKLive

Ruben Baraja dhe Valencia e kanë ripërtërirë marrëveshjen e tyre.

Pasi e ka ndihmuar skuadrën që ta shmangë rënien nga La Liga, dyzet e shtatë vjeçari do të qëndrojë edhe për dy vite i lidhur me klubin spanjoll. 

"Ruben Baraja ktheu një situatë shumë të komplikuar”, ka arsyetuar klubi vazhdimin e bashkëpunimit. "Aftësitë e tij të shkëlqyera drejtuese dhe personaliteti ishin çelësi për ndryshimin". 

Spanjolli e kishte marrë drejtimin e Valencias në shkurt, ku klubi ishte në vendin e 18-të në renditjen e ligësm ndërsa pas një serie prej katër ndeshjesh në shtëpi pa humbje, Valencia arriti që të përfundojë në vendin e 16-të. 

Baraja si futbollist në periudhën 2000-2010 kishte bërë 364 paraqitje për Valencian.