11:42 / 08.07.2023
Interi insiston për Lukakun, gati 30 milionë euro
F.Bytyqi /RTKLive
Interi insiston të transferojë sulmuesin belg Romelu Lukaku-n.
Reprezentuesi i Belgjikës, në sezonin e fundit ishte pjesë e skuadrës ‘Nerazure’ në formë huazimi nga Chelsea.
Por, klubi italian sipas medieve të huaja, është duke përgatitur një ofertë joshëse për “Blutë” e Londrës.
Internistët janë gati t’ia ofrojnë Chelsea-s 30 milionë euro për Lukakun të cilin Inzaghi e do në skuadër për edicionin e ri, edhe pse belgu në sezonin e fundit nuk ishte në nivelin e tij më të mirë.
Negociatat mes Interit dhe Chelsea janë duke vazhduar, dhe siç raportohet, shumë shpejtë do të vendoset për të ardhmen e Lukakut.























