19:01 / 02.09.2023
Tottenham fiton dhe i rri mbrapa Cityt
Uran Krasniqi/RTKLive
Seria e humbjeve të Burnley në sezonin e ri të Premier League ka vazhduar. Në ndeshjen e xhiros së katërt ka qenë Tottenham që e ka deklasuar me rezultat 5-2.
Vendasit kanë kaluar në epërsi qysh në minutën e katërt me golin e Foster, por pastaj nuk kanë mundur ta ruajnë epërsinë.
Heung-min (16', 63', 66'), Romero (45+2'), Maddison (54') janë shënuar në listën e realizatorëve të skuadrës së drejtuar nga Ange Postecoglou.
Golin tjetër për vendasit e ka shënuar Brownhil në minutën e katërt të kohës shtesë.
Pas katër ndeshjesh të zhvilluara në kampionat Manchester City e kryeson tabelën me dymbëdhjetë pikë, kurse Tottenham gjendet në vendin e dytë me dhjetë pikë.























