Ikona e prezantimit televiziv, Besim Dina, është shfaqur me një monolog të jashtëzakonshëm në Festivalin e Këngës në RTK, e që ka marrë vëmendjen e madhe të publikut.

Ai në Festivalin e Këngës në RTK përtej natyrës së tij plot humor, kësaj radhe nëpërmjet një performance ka shprehur një anë tjetër të tij.

Dina me një poezi të shkruar mjeshtërisht, ka thënë shumëçka mes ironisë e realitetit të dy vendeve shqiptare, Kosovës e Shqipërisë, patriotizmin dhe të pathënat e të thënat.

I shoqëruar nga tingujt e fyllit të interpretuar nga Gent Hoxha, Dina ka sjellë emocione në sallën e madhe të Pallatit të Rinisë.