Fituesi i edicionit të parë të Festivalit të Këngës në RTK, La Fazani ka rikënduar këngën e tij konkurruese “Oj Kosovë”, pasi iu nda çmimi i parë i festivalit.

Kënga e tij me plot ritëm e gjallëri dhe loja skenike tejet aktive, edhe në përmbajtje qëndron artistikisht mes satires e ironisë.

Nga njëra anë ironizon me patriotizmin e pompozuar, e nëpërmjet satirës e shpreh indiferencën, korrupsionin dhe mbrojtjen e interesave personale në çdo hallkë.

"Shumë faleminderit gjithë njerëzve këtu, keni qenë publiku më i mirë në botë. Faleminderit Orkestrës, nga fillimi kemi kaluar shumë mirë me ju", ka thënë La Fazani pas performancës.

Ai krahas çmimit kryesor fitoi edhe Çmimin e Kryeqytetit.