17:53 / 13.11.2023
Danimarka pa Hojlund e Eriksen në ndeshjet e nëntorit
Uran Krasniqi / RTKLive
Danimarka do të jetë pa Rasmus Hojlund dhe Christian Eriksen në ndeshjet e këtij muaji të vlefshme për kualifikimet e Euro 2024.
Dyshja e Manchester United do të mungojë për shkak të lëndimeve gjatë angazhimit me skuadrën angleze. Që të dy u larguan nga fusha në ndeshjen e fundi që United e kishte me Luton në Premier League.
Danimarka do të përballet me Slloveninë të premten dhe Irlandën e Veriut të hënën.
Danezët janë të barabartë me Slloveninë që gjendet në krye të Grupit H, ku të dyja kanë nga nëntëmbëdhjetë pikë.























