19:30 / 14.02.2024
Bashkimi triumfon në derbin ndaj Pejës
Uran Krasniqi / RTKLive
Bashkimi është kualifikuar në gjysmëfinalen e Kupës së Kosovës në basketboll.
Kjo pasi pasi skuadra nga Prizreni në ndeshjen e zhvilluar të mërkurën e ka mposhtur Pejën me rezultatin 64:73 (14:16, 12:20, 22:16, 16:21).
Në këtë përballje, ku Bashkimi është bërë gjysmëfinalisti i tretë, është dalluar basketbollisti Erik Copes, i cili ka realizuar 16 pikë dhe 9 kërcime.
Ekipi i Bashkimit tani pret fituesin e ndeshjes së ardhshme midis Proton Cable Prizrenit dhe Sigal Prishtinës.























