22:56 / 07.05.2024
Borussia Dortmund në finale të Champions-it
B.H./RTKlive
Borussia Dortmund është në finale të Ligës së Kampionëve.
Skuadra gjermane shënoi fitore edhe në ndeshjen e kthimit ndaj Paris Saint-Germainit, me rezultat identik sikurse në Dortmund, 1:0.
Golin e fitores për Borussian e shënoi Mats Hummels, në minutën e 50-të.
Kësisoj Dortmund kthehet në finale të Championsit pas 11 vjetësh.
Në finalen e qershorit në “Wembley”, Borussia Dortmundi e pret fituesin e duelit Real Madrid – Bayern Muenchen, e cila zhvillohet nesër.























