Rexhaj i Suharekës ëndërron të luajë në Evropë si Ballkani
Uran Krasniqi / RTKLive
Kur Arvanit Rexhaj shikon fotografitë e tij gjatë ndeshjeve të Suharekës kundër Ballkanit, ai ëndërron të luajë në Evropë.
Suhareka, klubi që nga sezoni i ri do të garojë në Superligën e Kosovës, ka qenë vendi ku nëntëmbëdhjetë vjeçari ka nisur të kultivojë ambiciet e tij të mëdha në futboll.
I ftuar në emisionin "Sport Elite" në RTK, Rexhaj ka treguar emocionet dhe synimet e tij për të ardhmen.
"Kur unë e shoh veten në fotografi duke luajtur përballë Ballkanit, atëherë nxitem të mendoj që të luaj edhe unë në Evropë sikur Ballkani. Jam shumë i fokusuar në futboll", kka thënë Rexhaj.
Për Rexhajn, të luajë në një skuadër me futbollistë me përvojë, të cilët kanë fituar tituj, ka qenë një privilegj i veçantë. Kjo përvojë i ka dhënë motivimin e nevojshëm për të punuar fort dhe për të arritur synimet e tij në futboll.























