FC Drita është optimiste se mund ta rrëzojë skuadrën Audan nga Letonia për t’u kualifikuar në play-offin e Ligës së Konferencës.

Skuadra kosovare është favorit ndaj Audas, duke marrë parasysh se kundërshtari nuk është emër i njohur, si dhe dallimet në kualitet janë të mëdha.

Mbrojtësi Egzon Bejtullai dhe mesfushori Albert Dabiqaj për faqen zyrtare të Dritës u shprehën se kanë shansa për të avancuar, veçse s’e njohin mirë kundërshtarin.

“Nuk kemi shumë njohuri për ekipin e Auda por besoj që kemi mjaftueshëm kohe për ta përgatitur ndeshjen. Nuk do të jetë e lehtë sepse në këtë nivel garash nuk ka ekip të lehtë, por ne do të bëjmë maksimumin që të arrijmë objektivin tonë”, deklaroi mbrojtësi nga Tetova.

Kurse, Dabiqaj beson shumë në kualitetin e skuadrës para kësaj sfide të vështirë.

“Është një kundërshtar që e vlerësojmë maksimalisht. E kemi parë që ndeshjet e fundit i kanë vetëm fitore. Besojmë që trajneri me stafin do të analizojnë mirë dhe neve na mbetet ta bëjmë punën tonë në fushë”.

“Kam besim shumë që me grupin e lojtarëve që kemi dhe me kualitetin e grupit, me shumë punë do ta kalojmë edhe këtë raund”, nënvizoi ai.