Lojërat Olimpike ‘Paris 2024’ do të vazhdojnë sot me disa sfida tejet interesante, duele që do të transmetohen drejtpërdrejt në Radio Televizionin e Kosovës.

RTK sot do të nis transmetimet në mes ditë me finalet e tenisit në konkurrencën e meshkujve për të vazhduar me finalet e pingpongut që fillojnë në orën 13:30.

Përballja mes Hungarisë dhe Francës në hendboll, është një tjetër sfidë që vjen në RTK, duel ky që fillon në orën 16:00.

Garat e atletikës dhe notit, sporte këto mjaft tërheqës në Olimpiadë që po mbahet në kryeqytetin e Francës, nisin në orën 18:30 përkatësisht në orën 20:30.

Ballafaqimi mes Spanjës dhe Kroacisë në hendboll, është një tjetër superduel që do të vjen live në RTK, duel që starton në orën 21:00.