Bashkimi dhe Trepça nisin ‘betejën’ për titull të kampionit
BKT
Sport

Bashkimi dhe Trepça nisin ‘betejën’ për titull të kampionit

F.Bytyqi/RTKLive

Dy skuadrat finaliste Bashkimi dhe Trepça sonte në ‘Sezai Surroi’ nisin ‘betejën’ për titull të kampionit.

Prizrenasit dhe kampionët në fuqi të Kosovës, do të përballen në ndeshjen e parë finale të ‘Play-off-it’.

Ndeshjen çerekfinale dhe gjysmëfinale të ‘Play-off’-it dhuruan spektakël të basketbollit, derisa adrenalina do të rritet në maksimumin në finale, ku të dy skuadrat duan titullin e kampionit.

Këto dy skuadra u kualifikuan direkt në finale dhe me seri identike 3:1 arritën finalen. Bashkimi triumfoi ndaj Pejës, kurse Trepça ndaj Sigal Prishtinës.

Në garat e rregullta, Bashkimi ishte lider me 20 fitore e tetë humbje, kurse Trepça e dyta me 19 fitore e nëntë humbje.

Këto dy skuadra u përballën katër herë në këtë edicion në Superligë, ku kishin nga dy fitore ndaj njëra-tjetrës, ku të gjitha fitoret ishin si vendas.

Po ashtu u përballën në finale të Kupë, ku ‘Xehetarët’ triumfuan në kryeqytet.

Bashkimi kërkon titullin e dytë në histori, të parin pas vitit 2018, ndërsa Trepça është kampione aktuale, ndërsa në historinë e saj e ka fituar këtë trofe pesë herë. Dkuadra që shënon katër fitore fiton titullin e kampionit.

Ndeshja mes Bashkimit dhe Trepçës fillon në orën 19:00.