Krasniqi: Totaj është kandidati i njerëzve që duan zhvillim
BKT
   Zgjedhjet e parakohshme parlamentare 2025

Krasniqi: Totaj është kandidati i njerëzve që duan zhvillim

RTK

Drejtues të Partisë Demokratike të Kosovës, së bashku me partnerët e koalicionit për balotazhin e së dielës, përmbyllën fushatën zgjedhore në Prizren me mesazhe për vazhdimësi dhe zhvillim të qytetit.

Kryetari i PDK-së, Memli Krasniqi, u kërkoi atyre mbështetjen për kandidatin e këtij subjekti politik, Shaqir Totaj. Ai tha se për të punuar akoma më shumë për Prizrenin me qetësi e dinjitet, Totajt i duhet përkrahja e votuesve.

“Nën udhëheqjen e tij, Prizreni ka ecur përpara, është bërë më i pastër, më i rregullt, më turistik e më i jetueshëm për të gjithë. Dhe rruga përpara është edhe më e mirë, me Shaqir Totajn në krye. Më 9 nëntor, voto për vazhdimësi, për dinjitet, për Prizrenin që fiton!”, tha Krasniqi.

Nga ana e tij, Totaj shprehu besimin në koalicionin e arritur ditëve të fundit për zgjedhjet e 9 nëntorit.

Ai tha se këto koalicione do t’ia rrisin vlerën dhe do të qeverisin me resurse, kapacitete dhe ide të reja në Prizrenin multietnik.

PDK-së në Prizren, për zgjedhjet e balotazhit, përveç LDK-së, i është bashkangjitur edhe Nisma Socialdemokrate dhe disa parti të tjera të komuniteteve pakicë.

Kandidati i PDK-së në Prizren për kryetar të komunës ka për kundërkandidat atë të LVV-së.


MË SHUME NGA    Zgjedhjet e parakohshme parlamentare 2025