Prona në Kamenovë, në fokus të vizitës së AKP-së në Mal të Zi
BKT
Ekonomi

Prona në Kamenovë, në fokus të vizitës së AKP-së në Mal të Zi

N.M. /RTKlive

Bordi i Drejtorëve dhe menaxhmenti i lartë i Agjencisë Kosovare të Privatizimit (AKP) kanë nisur një vizitë zyrtare dyditore në Mal të Zi, me qëllim të mbrojtjes së interesave pronësore të ndërmarrjeve shoqërore të Kosovës.

Gjatë vizitës, përfaqësuesit e AKP-së janë pritur në Ambasadën e Kosovës në Mal të Zi nga ambasadorja Ariana Zherka Hoxha.

Në fokus të takimeve është mbrojtja e pronave të ndërmarrjeve shoqërore të Kosovës në Mal të Zi, me theks të veçantë në pronën në Kamenovë, në bregdetin e Budvës.

Përmes këtyre takimeve, AKP-ja synon forcimin e bashkëpunimit ndërinstitucional dhe avancimin e angazhimeve për mbrojtjen e interesave pronësore të Kosovës, në përputhje me mandatin dhe legjislacionin në fuqi.


MË SHUME NGA Ekonomi